Den careda di 5or di marduga diasabra e patruya di Playa a ser dirigi na Johan de Wittstraat. Aki un auto maneha pa un homber a drenta e caya y pasa dal den un otro auto. Na yegada di patruya a bin topa cu un Honda Accoord color shinishi numera A-67337. E tabata kibra na su banda drechi. E bisiñan a bisa polis cu e homber Dominicano a yega burachi y cu musica duro. Den e proceso el a pasa dal su auto cual ta un Yaris color shinishi cu tabata para riba caminda. El a hale te riba acera. Polis a bay atende cu e homber y a pidie pa supla unda a surpasa e limite permiti. Polis a detene e homber pasobra e no tin rijbewijs tampoco y e auto ta di e mama. Polis a tuma tur datos y despues a transporte pa warda di Playa.
