Den careda di 5:20 AM diasabra mainta, patruya di Noord a ser dirigi na un compleho di apartmento na Sabana Liber. Esaki tabata pa un caso di maltrato y cu cuchio. E patruya a yega na e sitio y ta topa cu e homber papiando spaño y tabata bezig ta maltratando e señora. Polis a handle e situacion y a detene e homber mesora pa maltrato. Un rato despues a drenta melding cu na Alto Vista lo tin un palo di lus a wordo ranca y e auto a move for di e sitio. Despues a sali na cla cu ta e mesun homber aki a bin pa maltrata e señora y ta mesun tambe cu a ranca e palo di lus na Alto Vista. Polis a tuma e auto den beslag y a manda pidi takelwagen pa asina coy e auto hibe warda di Baslahi. E homber tabata bou influencia di alcohol.
