Hof a rechasa e peticion di Aruba Bank pa schors e decision di hues di Prome Instancia den e caso cu Bochincha Container Yard a gana y cu mester habri cuenta bancario pa nan.
Aruba Bank a pidi un decision di urgencia na Hof, cu ta e motibo cu e decision a bini asina rapido, den cual ta pidi pa schors e prome decision cu por perhudica e banco. A pidi pa pospone e decision te ora cu tin un decision den apelacion cu nan a haci.
Un decision manera esun di prome instancia mester wordo ehecuta sin tardansa. Solamente si tin circunstancianan extraordinario por haci cu ta pospone su ehecucion. E decision di prome instancia ta ordena Aruba Bank habri e cuenta y want’e habri, cu e condicion cu si Corte penal di prome instancia hay’e culpabel di e investigacion cu tin andando, por cera e cuenta despues di dos luna.
Tur loke cu Aruba Bank a trece den e tratamento cu hof, no a demostra cu a tuma e decision riba informacion incorecto. Un biaha mas a bisa cu e interes di BCY y Otmar Oduber pa habri un cuenta pa e negoshi ta pisa mas den e situacion aki cu esun di AB pa pospone e decision.
Loading…
Reload document 
Open in new tab Hof a bisa cu den e caso aki e banco no a duna un bista di e motibonan pakico BCY como cliente ta trece riesgonan inaceptabel pa nan. Tampoco cu tin indicacionnan concreto cu door di ehecuta e decision di Corte di prome instancia ta pone na riesgo e relacion di AB cu otro banconan. Cu otro posibel clientenan por haci uzo di e decision aki pa habri cuenta no ta motibo suficiente pa pospone ehecucion di e veredicto.
Pues mester habri e cuenta.
