Awe den oranan di merdia Hof a dicta sentencia den e caso penal contra Jafet Cabrera y Walkidia Winterdaal. E ultimo dos personanan cu a mira Frans Angela na bida dia 17 pa 18 di maart, 2022. Corte di Prome Instancia a haya ambos culpabel pero hof a yega na un otro opinion.
Den prome instancia a pidi 25 aña pasobra OM a haya cu ta proba cu ta trata di un caso di asesinato, planea pa mat’e, y pa su pareha a pidi 22 aña. Pero ora di sentencia e castigo tabata 18 aña. Nan a apela pasobra a haya e castigo hopi halto.
Durante tratamento di e caso na inicio di e luna aki, a duna ordo pa laga e señora liber en espera di e sentencia y awe esey a bini.
Den e caso di Walkidia a declar’e liber pasobra no ta haya cu el a participa activamente. Den e caso di Jafet hof a conclui cu no por papia di asesinato sino di homicidio. Pa e motibo aki ta kere cu un castigo di 14 aña ta na su luga.
Pa un relato amplio, lesa TREMPAN.