Pa mas di 15 aña un grupo di colega di SETAR ta celebrando e fiesta di Sinterklaas. E motor tras di e evento aki ta Jacky Franken y hunto cu un team di colega, ta organisa e fiesta aki p’e demas coleganan.
Kimberly Boekhoudt, kende ta colega di Jacky como tambe ta forma parti di e team organisado a splica cu diadomingo atardi nan a bin hunto pa celebra e temporada di Sinterklaas hunto cu e demas coleganan di SETAR den Club Primavera, cu nan famia.
Segun Kimberly, e grupo a cuminsa chikito y awo tiki tiki e ta crece bira mas grandi. E aña aki nan tabatin 55 colega cu a participa, hunto cu nan yiunan, sobrino, sobrina y asina ta sigui engrandece e actividad.
E team mes ta percura pa hinca tur cos den otro p’asina hunto por celebra e temporada aki tambe.
Inicialmente e evento aki ta pa e coleganan di SETAR y nan ta bonbini cu nan famia y hunto celebra. Tabatin durante e evento aki Tio George y Tanchi Esmee cu a bin haci e actividad p’e muchanan y nan gosa un rato. A haya bishita di Sint y Piet. Tambe por ultimo a haya bishita di Grinch, cual tabata un sorpresa hopi bunita p’e muchanan maak mee.
Por ultimo Kimberly a gradici e team organisado cu a haci e evento posibel y ta en espera di e actividad pa otro aña.
