Hoben turista a bira malo net prome cu subi vuelo

Awe merdia den careda di 12:15PM ta pidi presencia di ambulance na aeropuerto pa un bishitante cu lo a bira malo y lo a convulciona violentamente. Ta trata di un hoben ( mericano ) den rolstoel acompaña pa su famia. Na momento cu nan a baha di e taxi, nan a dirigi nan mes pa check-in.

Pa motibo desconoci e hoben den rolstoel a cuminsa convulciona y famia a opta pa bahe di e rolstoel mientras paramedico a yega pa atende. Situacion tabata basta tenso mirando cu no por a domina e hoben cu tabata bati cabes na vloer/ sacudi violentamente.

Famia tambe a drenta den panico mirando cu e hoben no tabata mustra di lo tabata saliendo for di e convulcionan. Despues di un rato a logra calma e victima pa asina transporte pa Hospital. Cu taxi e resto di famia tambe a dirigi nan mes pa Hospital. Logicamente e famia a perde nan vuelo y mester keda nos isla pa asina haya sa kico ta locual a pasa cu e hoben. No ta sigur si e victima lo ta sufri di cualkier enfermedad cu lo por tabata e causante di e urgencia medico aki.