Dellanire Maduro (POR): Mester a yama un reunion pasobra problema di Minister a tranca gobernacion

Dellanire Maduro, lider di fraccion di POR, den forma sorpresivo a yama un conferencia di prensa awe merdia 2.30 dilanti Parlamento. E tabata relaciona cu e reunion di diabierna ultimo yama pa kita confiansa for di Minister Marisol Lopez Tromp, encarga cu Infastructura y Medio Ambiente.

El a menciona cu den dicho reunion tabatin hopi insinuacion y acusacion grave. Ta prome biaha Parlamento ta tende di esaki y di e tema di corupcion. Ta masha importante pa como Parlamentario nan tin acceso na e documentonan aki pa cual el a acudi na Presidente di Parlamento.

Conferencia di prensa URGENTE: Dellanira Maduro di POR ta pidi pa haya documentonan como prueba di corupcion den gobernacion

Conferencia di prensa URGENTE: Dellanira Maduro di POR ta pidi pa haya documentonan como prueba di corupcion den gobernacion. Tambe kier pa sigui e di dos rond di reunion mas pronto posibel. Click link pa mas https://www.facebook.com/24ora/videos/957626024754101

Posted by 24ora on Monday, August 3, 2020

El a haci entrega di un carta na Presidente di Parlamento. Den esaki ta haci peticion pa documentonan menciona durante e reunion di dia 31 di juli ultimo y cu nan no a haya bista riba nan. Tambe ta pidi pa haya e documentonan aki prome cu diaranson awo, pa repasa nan.

Deseo di partido POR ta pa e reunion posponi diabierna ultimo, sigui pa su di dos tanda tambe, pero cu e Minister concerni, esta Marisol Lopez Tromp ta presente tambe. Igualmente otro ministernan lo mester ta presente pa duna nan banda di version.

El a splica cu den e problema cu a surgi den Partido, a trata di soluciona e problema internamente pero no a logra. “E no ta unda nos tabata kier pa e yega, esta den un reunion publico” el a splica. Pero no por lubida tampoco, el a bisa, cu tabatin otro Minister cu a bisa di no por traha cu Marisol Lopez Tromp y e ora el a bira un problema cu Parlamento mester a atende cu ne. Pasobra el a tranca gobernacion,” Maduro a bisa.