Un pasamento di pret y dushi cu actonan “fever” den area Bushiri na final a caba na malo pa un di e hobennan. Polis a detene pa motibo cu e no tin rijbewijs.
Diadomingo algo pasa den careda di 10:40pm Polisnan riba patruya tabata bayendo di Madiki Kavel pa Bushiri ora cu di leu nan ta mira y scucha zonido di brommernan cu tabata haci show cu nan brommer. Yegando mas cerca a constata cu nan tabata dilanti Grand Ocean Supermarket ta fever y tabatin varios brommer eybou.
E Polisnan a duna e motociclistanan ordo pa para pero tur cu excepcion di uno a bay for di e sitio. Un di e hobennan kier a mustra tof y a sigui cu su acto di “fever” apesar cu e patruya tabata eynan. A pidi refuerso pa para e brommer aki. Nan a bay controla e papelnan di e vehiculo, a bin resulta cu ningun di e papelnan tabata na ordo y e motociclista mes no tawata tin rijbewijs valido. A pidi presencia di dog chatcher pa transporta e hoben pa warda di polis
