Diasabra anochi, gerencia di HC Adidas y Sport Caribe den presencia di atletanan, nan famia y Prensa a presenta e projectonan nobo cu Team Adidas Aruba lo ta formando parti di dje.
Manager di mercadeo, Sr. Jonathan Wever a hiba palabra unda e la habri e anochi y anuncia e extension di e partnership cu nos di 297sports, Viperstrong y Fundacion Pa Nos Comunidad.
Anuncia tambe cu team Adidas lo ta partnership cu den algun evento grandi manera Aruba KLM Marathon, Ronde Van Aruba, Real Madrid Camp, SportCaribe Run 2019.
Tambe a anuncia cu hopi orguyo e Pop Up Shops unda por haya e marca adidas y tambe Reebok pa cumpra. Esakinan na GTP (Goitia Tennis/ Racquet Club, BodyTech (Reebok Training) y awor tambe CrossFit Eximious462 (Reebok Training)
E aña aki Team Adidas lo tin dos concepto di e asina yama Athlete teams esakinan Team Adidas Aruba y Team Three Stripes. E Team Adidas Aruba ta consisti di e atletanan cu ya caba tin varios aña den nan deporte.
E atletanan aki ta Alric Kock, Jonathan Busby, Aljereau Sophia, Veronique Athens, Jethro St. Fleur, Kelvin Gama Gonzalez, Lana Gobert, Jesus Galea, Romar Arendsz, Amadee Nicolaas y Quincy Breel.
E otro ekipo ta Team Three Stripes cu ta e hobennan cu futuro prometedor den nan disciplina. E atletanan aki ta Chiara Petrocchi, Sophia Petrocchi, Kayla Solognier, Kirah Regales, Vera-Elise Bakmeyer, J-Rick Maduro, Jeshua Dabian.
Tambe hunto den e grupo aki a reconoce e gran trabou di coach Melvin Dabian cu lo sigui di cerca e empeño di e hobennan den nan disciplina.
Na final tur e atletanan a haya un tas regalo for di Monique Jansen y Marinus Wegereef di HC Adidas y Sport Caribe. Tambe a probecha di saca potret y haci algun entrevista
