Diadomingo mainta a sosode un accidente grave riba e caminda di Yara. Un ciclista haciendo e deporte di ciclismo a dal hopi duro tras di un auto. E impacto a causa cu e bicicleta a keda pega bou di e auto. E ciclista a bay pega cu su curpa den e parti patras y glas di e auto.
E daño na e auto ta confirma con fuerte e impacto tabata. Cu urgencia a pidi pa ambulance. E tabata tin fractura serio na un pia. Mirando e gravedad a pidi pa manda cuerpo tecnico pa forma parti di e investigacion cu e departamento di trafico. E motibo exacto pakico e ciclista a pega asina fuerte tras di e auto no ta conoci.
