Diasabra awo The Venue lo ta sede di e Hawaiian Party di DJ Adoni, cual tabata 6programa pa dia 3 di maart na Aruba y e tabata priminti di a bira algo grandi. Un fiesta cu lo tabatin hopi sorpresa pa e publico amante di bon fiesta na Aruba.
Pero, en bista cu e fiesta tabata programa pa dia 3 di maart, cual lo ta riba un diadomingo, a drenta hopi peticion di parti di e publico pa cambia e fecha pa riba un diasabra. Y e organisado, Denisa Gross, a cumpli cu peticion di e publico.
Awo, e fiesta lo ta diasabra 2 di maart y ta cuminsa pa 8:00pm y lo sigui te cu 3:00am. Porta ta habri 7:00pm. Esey ta duna e asistentenan n’e fiesta aki, e chens di disfruta mas ora di un tremendo fiesta y un tremendo dj.
Prijs pa carchi ta 100 florin pa general, 150 pa Standing VIP, 200 florin pa Platinium y ta mesa di cuater persona di cual ta haya un boter, tambe tin mesa di 300 florin pa mesa di dies hende y ta haya dos boter riba mesa. Incluso ta bay tin premio, snacks, hookah, alcohol di Tropical Bottling.
E dia aki porta ta habri pa 4:00 pm, mientras cu e evento ta cuminsa pa 5:00 pm y ta bay te cu 12:00 am. E lineup p’e dia aki ta Jerrino Bass & Friends, Barrona, DJ Spookie, MC Big Reckless, DJ 101, DJ Sin Nombre y DJ Menol.
E carchinan ta obtenibel caba na Citgo Boulevard y Citgo Essoville. P’e carchinan di VIP por yama na 630-8645 y aki e organisadonan ta duna number di mesa y e persona ta paga cerca nan. Gross a gradici nan sponsor principal Tropical Bottling y tur otro pa forma parti di e fiesta aki.
Pero como un regalo p’e fanaticonan di DJ Adoni, e organisacion ta bin c’un prijs special, un asina yama ‘early bird special’, cual ta encera cu e entrada general pa e anochi aki ta di 75 florin te cu 10:00pm, como tambe 100 florin pa VIP Standing.
Pueblo amante di bon fiesta, bini uno bini tur, bin disfruta di un dushi ambiente y un bon fiesta c’un tremendo DJ cu lo ta na Aruba specialmente pa cumpli cu e peticion di e dushi pueblo di Aruba.
Lo tin hopi sorpresa cu lo sali e siman aki. E prome shen personanan cu yega lo haya nan cadena di hawaii pa nan drenta den ambiente di e ‘Hawaiian Party’.
Pa carchi, por yama Denisa Gross na 6308645 pa reserva bo mesa.
