MAGIC FM e aña aki ta celebrando su 20 aña di existencia y nos a tuma e iniciativa di trese bek un di e prome actividad nan cu den pasado a jega di organisa exitosamente cu ta famoso Hand-A-Thon, pero e biaha aki den un version 3 D.
A tuma tempo pensando kico special pa organisa y a haci pregunta y a kibra cabes kiko pa organisa na ocacion di 20 aniversario di e emisora MAGIC 96.5 FM, a dicidi di bay BEK NA NOS RAIS…BACK TO THE ROOTS, loke semper a resulta exitoso y grandi.
Den e historia di e radio, MAGIC FM a yega di organisa varios evento for di Fundraising pa diferente organisacion, Radiotons, carrally’s, show, fiesta, conciertonan y mas. E biaha aki e team conhuntamente a yega na e conclusion cu loke semper a keda graba den mente di tur hende ta e famoso HAND-A-THON.
Un auto nobo nobo como premio lo wordo entrega bek na comunidad na e oyentenan cu semper ta cu Magic.
E aña aki a dicidi di bin cu un di e eventonan cu mas a hala atencion y publico cu modelo 2018 di autonan di e prestigioso compania STERN AUTOMOTIVE ENTERPRISES. E biaha aki e ta bira un brand new Chevrolet AVEO 2018.
Semper ta consiente cu e cultura di health and sport, salud y deporte, e concientisacion riba e area aki a crece inmensamente na nos isla y nos ta pensa cu nos lo por tin varios figura deportivo den e evento, cual lo haci e reto ainda mas pisa.
E lo ta un Evento super excitante y intrigante.
HANDATHON 2018 ta un evento na unda un maximo di 12 – 14 participante cu a registra y / of a gana nan participacion via e companianan patrosinador, ta ser saca for di e Tombola Magico, y na unda lo pone e forsa y resistencia fisico traha. Aki e curpa y mente humano ta na prueba. Tin un record di 65 ora cu lo mester keda surpasa. Esaki lo ta estilo Last Man or Woman standing.
Branding Partners
Mirando e magnitud di e evento a dicidi di aserca algun branding partners kendenan lo carga e evento conhuntamente cu e radio emisora MAGIC , na unda lo tin oportunidad di realisa varios campaña y asina un persona o cliente por gana nan participacion den e evento cu lo bira e reto fisico di aña 2018. Entre e branding partners tey entre otro cu campañanan ARUBA BANK NV, ATCO CONCRETE, SUBWAY, KOK OPTICA, SMART SYSTEMS ARUBA, SUPERFOOD PLAZA, NAGICO INSURANCES, BOHAMA NV, SMIT & DORLAS, SETAR NV Y STERN AUTOMOTIVE ENTERPRIZES lo ta parti di henter e preparacion den e trayecto historico aki.
Fecha di HANDATHON 2018
E gran final lo ta den forma di un festival di musica y ambiente cu bandanan local, Dj’s, tentnan di cuminda y bebida, kids corner, show di baile y mas.
E Hand-A-Thon 2018 ta stipula pa tuma lugar 30-31 Augustus y 1-2 September 2018 pero nos lo duna tur detaye for di awo caba. Henter e programa lo tin asina 4 luna di promocion extenso, cu ta wordo cataloga un “Na Caminda pa Handathon 2018”. Esaki lo sirbi tambe como lunanan di actividadnan fisico, entre otro training na gym, seminario di healthy eating, yoga na beach y mas pa e participantenan.
