Diasabra durante oranan di anochi e Team di Narcotica a haci diferente entrada hudicial y tambe detencion. T’asina cu e Team Narcotica ta trahando incansablemente pa combati e bendemento di droga diariamente.
Ayera a detene e homber Gunso Figaroa (alias Suiso) di 32 aña, na ex United Dinner pa bendemento di droga. A confisca diferente droga entre otro cocaina, cocaina base, marihuana y tambe a haya municion.
Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9.
Un tremendo trabao di Team Narcotica. Por a compronde for di autoridadnan, cu e caso no ta cera ainda. Por tin mas puito pa sali di e macuto.
