Cu urgencia a pidi presencia di ambulance den Boliviastraat na Playa na momento cu un grabacion di un “video” a bay completamente robes.
Un splicacion basta confuso ta locual a duna pa asina describi ta con por a cay y corta su mes asina profundo ( te na weso ) den un caida.
E Dama/comediante aki a ricibi un corta cu glas durante locual el a describi como un video. Cual ta sospecha cu ta trata di “Tik Tok” y cu pa un of otro motibo lo a bay fout.
Un herida hopi profundo na su rudia banda drechi a pone cu mes ora a transporte pa Hospital pa ricibi atencion medico. Famia tambe a compañe den auto tras di e ambulance. Mirando cu ta den TDQ mester a keda nan tras pa no bin confucion di su presencia riba caya. E momento artistico pa e biaha aki no a resulta den e fama cu a pensa riba dje.
