Cu e afan pa reduci mas contagio cu e virus di COVID-19, Crisis Team ta informa comunidad cu den e Ministeriele Regeling nobo ta prohibi pa bebe of tin bebida alcoholico den bo posesion riba caya, den auto, canto di caminda of na lama y riba parkeerplaats. Si gara bo ta viola e ley aki, lo tin consecuencia; bo por haya multa y por tuma bo vehiculo den beslag.
Crisis Team ta informa tambe cu ta prohibi pa tene actividad social (fiesta) na cas. Taskforce di Crisis Team y polis ta riba caminda cu extra vigilancia y lo actua ora cu esaki ta necesario. Tambe ta corda un y tur cu no ta permiti pa ta presente den un parkeerplaats of na beach despues di 7:00 pm.
Bar restaurantnan mester percura pa cumpli cu tur regla di distanciamento social, cantidad di hende na mesa y cantidad di hende permiti paden y pafo di establecimento. Cada establecimento ta responsabel pa cumpli cu e reglanan den y riba su propiedad.
Na e momento aki cada persona na Aruba mester pensa seriamente ki decision e ta tuma pa evita contrae e virus. Hospital ta relativamente yen y ta yenando y ta algun cama mas tin den e seccion di Intensive Care.
Abo cu bo comportacion ta e factor principal pa evita cu bo ta infecta y despues por pega otronan cu e virus, manera bo sernan keri na cas of coleganan di trabao.
Limita bo salimento, cumpli cu e reglanan di higiena, respeta e medidanan, pone bo mes na altura di tur regla y medida vigente bishitando e website www.arubacovid19.org.
