E anuncio oficial lo mester tuma luga den transcurso di awe diabierna, pero ya caba e noticia a bira conoci danki na un oficial halto di gabinete Biden. E cambio ta bira efectivo mey anochi di diadomingo awo 12 di juni.
Centers for Disease Control (CDC) ta lanta e restriccion despues cu a determina cu e no ta necesario mas segun e ciencia y data. Lo bolbe evalua e decision aki den 90 dia y autoridadnan por bin cu ne bek si tin un variante nobo di preocupacion. E medida aki tabata na vigor desde januari 2021.
Gobierno Mericano a bisa cu lo traha cu aerolineanan pa sigura un transicion exitoso cu e cambio, pero esaki sigur ta un accion bon ricibi di parti di e industria aereo. E noticia ya ta circula den media social y particularmente entre turistanand i Aruba ta contento cu e decision.
