Gobierno cortando beneficionan salarial di docentenan

12338

Den aña 2019 a bin cu algun medida pa maneha e costonan di salario di docentenan miho. Di e informacion disponibel riba inzet y pago di e docentenan, ta mustra cu e medidanan publica pa aña escolar 2019/2020 no ta of no ta completamente implementa. Minister di Enseñansa, Ciencia y Desarayo Sostenibel, dr. Armando “Rudy” Lampe, a manda un carta dia 22 di juli 2019 y dia 2 di october 2019 cu e tema di “aanscherping beleid personeelskosten.” En conexion cu e reciente situacion cu Coronavirus COVID-19 e maneho di financia di estudio a bira urgente!

Pa esaki a dicidi di adapta e maneho cu e siguiente puntonan:

  • Cantidad di klas. Den aña escolar 2019-2020 a tene menos of niun consideracion cu e medidanan di e cantidad minimo di muchanan den un klas. E cantidad minimo den un klas primario ta 28 alumno. Lo trata e tema aki por escrito separa na directiva di scolnan, riba e formacion di aña escolar 2020-2021.
  • Inmediatamente ta cambia e cantidad di “overtime” como lo siguiente:

     – E cantidad di subsidio p’e mesun persona ta di 27/32 ora. No tin cambio den e trabou di part time na mas directiva di scol.

     – Cabesante, rector, directornan, directornan suplente y conrectornan no por traha “overtime”; e “overtime” no ta compatibel cu e concesion di indemnisacion cu ta cay bou articulo 25 di LMA.

    – Si un docente tin “menos ora” segun e rooster, no ta papia di un pago di “overtime” na e docente. Scolnan mester crea rooster eficiente pa mantene esaki, inclui docentenan cu “menos ora”.

     – No por duna mas “overtime”, solamente si tin aprobacion di Inspeccion di Enseñansa di e materianan cu tin scarsedad di docente. E cantidad maximo di “overtime” pa docente ta 4 ora, paga como “losse uren”.

     – No tin “overtime” pa scol primario.

Riba e maneho pa preveni cu Coronavirus COVID -19 ta sigui plama, desde 16 di maart 2020 scolnan ta cera. Pa motibo cu a stop actividadnan na scol di cara à cara, a stop tur “overtime” desde 16 di maart 2020. E medida aki lo stop asina cu scolnan habri bek, unda cu e subsidionan lo continua manera ta para den e carta.

  • P’e orario di trabou ta conta inmediatamente lo siguiente: Ta subsidia solamente e orario di trabou cu di antemano ta aproba pa inspeccion.
  • Ta conta inmediamente lo siguiente pa “losse uren”: “Losse uren” ta bay conforme e partimento di Landsbesluit di parti orario di les y orario di trabou ora cu un docente tin un contract di menos cu 20 ora pa siman.

E caracteristicanan di otro pa cu “losse uren” ta:

    – E pago bruto di orarionan ta AWG. 60 pa un eerstegraadsdocent y AWG. 47 pa un tweedegraadsdocent

    – No tin pago den periodo di vakantie y/of AO

    – No tin derecho riba wettelijk premies, no tin placa di vakantie (vakantiegeld), no tin najaar, voorjaar, bashi-premie, no tin reparatietoeslag, no tin pago di dianan di ATV

   – Pa aña escolar, segun e cantidad di orario pa cierto les, ta evalua e necesidad di un docente.

Ta recorda cu ta paga “overtime” como “losse uren”. Desde aña escolar 2020-2021 lo aplica un sistema pa cu un docente tin cu tuma “losse uren” pa un docente malo segun e schedule. Desde aña escolar 2020-2021 no lo tin reemplaso den educacion primario.

  • Por cambia un docente solamente si el a keda mas cu 3 biaha AO durante dianan di scol. Si tin 3 of mas dia di AO, directiva di scol mester por soluciona esaki.
  • Si e decreto escolar ta wanta un entrada premira den e articulo 29 di ordenansa nacional di vakantie, e ora no ta subsidia cualkier reemplaso di salario.
  • Ta escencial pa tin control riba pago di salarionan, banda di e informacion cu di biaha ta wordo duna, e siguiente informacion di gerencia ta wordo duna digital.

Ta considera violacion di e regulacion como orarionan no subsidia y lo trata esaki di biaha cu directiva di scol. Minister Lampe ta spera cu e situacion urgente cu e pais ta pasando den, ta conta cu e apoyo di tur .

Loader Loading…
EAD Logo Taking too long?

Reload Reload document
| Open Open in new tab

Download [1.08 MB]