Departamento di Salud Publico a informa cu nan a caba di haya otro testnan cu a drenta y cu ta certifica cu no ta 46 caso mas sino 50 caso confirma tin di pashentnan infecta cu Coronavirus. Den e ultimo dianan nos isla ta creciendo cada biaha cu 4 caso adicional di e virus aki! Tin 2 caso cu ta considera inconclusive, pues ta zwak y lo mester haci test di nobo.
Mas leu Gobierno a confirma cu te awor, a test 549 caso cu a sali negativo, 1 pashent a recupera caba y tin 0 morto. Tin 127 hende cu tabatin contacto cu un pashent contagia, cu mester keda den cuarentena. Banda di e grupo ey, tin mas di 800 hende cu a yega di biahe, cu no tin sintoma, pero a bin di un pais cu tin Coronavirus. E edad maximo di pashentnan ta 74 aña y esun mas hoben tin apenas 11 aña di edad. Di e casonan conoci te awo, 11 ta caso importa y 22 caso ta di transmicion local.
