E conocido Presidente di Arubaanse Voetbal Bond, alabes un ingeniero di IT, Ing. Richard Dijkhoff, tabata encarga cu IT na Parlamento di Aruba. Despues di a manda e Griffier di Parlamento cas, a opta pa manda Dijkhoff tambe cas, alegando cu e no ta apto pa e trabou. Corte awe a dicta na fabor di Richard Dijkhoff, alegando cu Gobierno a faya den e proceso y ni sikiera a bay evalua e ponencianan cu Gobierno a presenta.
Locual mas a hala atencionta e forma con Gobierno a purba implementa un castigo disciplinario, completamente for di proporcion y despues di mas di 1 aña kier a mande cas. Cu esaki Gobierno a demostra nan “mala fe” contra e experto den “Information Technology” pa cual a busca un reemplasante for di Corsou, pa ocupa e puesto na Aruba. Claro cu tabata obvio cu paden a purba traha un “coup” cu awe Corte a bari for di mesa completamente, pa cual awor Gobierno mester percura pa Dijkhoff haya un funcion similar bek. Si Gobierno no ta contento, nan lo tin 30 dia pa apela.
