Gobierno a opta pa sigui “Hedge” na WEB

1682

Mientras cu pa hopi aña a critica e practica aki di “sigura” e tarifa cu ta cumpra “Heavy Fuel Oil”, siman pasa Prome Minister Evelyn Wever-Croes, cu alabes ta Minister di Energia, bou unda WEB Aruba NV ta resorta, a duna aprobacion pa e compania por “Hedge” prijs di combustibel pa e prome kwartal di aña 2018. Cu esey e mandatario ta continua cu e mesun maneho di e Gobierno anterior, cu tanto a critica y denuncia.

WEB a “hedge” prijs di combustibel na 56 dollar pa bari

Posted by 24ora on Monday, January 8, 2018

Den pasado e fenomeno aki a yega di scapa e prijs di awa y coriente na varios ocasion. E no ta nada nobo, ta algo cu a cuminsa den añanan 2000 caba tempo di Ing. Jossy Lacle como Director di WEB Aruba NV. Despues na aña 2009 ora Osling Boekhoudt a tuma over el a continua. Den e proceso el a comete un eror di “Hedge” e prijs pa 2 aña largo sin aprobacion di e doño di WEB, esta Gobierno, cu a hinke den un problema di confiansa cu su doño di trabou.

Prome cu fin di aña caba, e director nobo di WEB a manda solicita na Utilities Aruba N.V. pa bolbe Hedge y e ultimo aki a pidi permiso na Gobierno, cu mesora a bay di acuerdo. Esaki den un esfuerso pa garantisa cu prijs di awa y coriente no ta subi.

E idea rond di “hedge” ta cu si e prijs internacional di combustibel subi, cu esun di WEB ta keda mesun cos. Si e baha, e ora e banco ta gana e diferencia.

A cuminsa desalina awa na Aruba desde aña 1903 caba, na 1931 a funda Landswatervoorziening. WEB Aruba N.V. A celebra 85 aña produciendo awa y coriente riba nos isla.