Prohibicion pa tur embarcacion pa islanan ABC ta vigente te cu diamars

E presidente di e Instituto Nacional di Espacionan Acuatico (INEA), Cesar Romero, a emiti un aviso pa nabegantenan di e pais, unda cu e ta informa cu entre 6’or di atardi di diabierna, y 8’or di mainta di diamars, dia 9 di Januari, ta prohibi trafico marino entre Venezuela y islanan di Aruba, Boneiro y Corsou.

E informacion ya caba a wordo anuncia pa e presidente Nicolas Maduro, kende a sigura cu durante e lapso aki e lo pone den marcha un operativo cu ta caba cu e contrabandistanan “cu ta daña e economia” di Venezuela. El a ordena di inmediato, e toma di tur e puerto y aeropuertonan unda nos ta comunica y ta haci labor di intercambio comercial y di pasahero cu Aruba, Corsou y Boneiro,” Maduro a bisa, despues cu el a reuni cu su Conseho di Minister.

Maduro a keha cu autoridadnan di e islanan aki, cu ta forma parti di Hulanda, no a responde na varios advertencia di Caracas y a haci cu el a pidip a tuma medidanan cu el a exigi durante e ultimo dos añanan. “Nan ta bay cu e oro di e pais di manera ilegal y nan ta legalise eynan. Nan ta bay cu coltan, nan ta bay cu diamante, nan ta bay cu tur e productonan alimenticio,” el a bisa.

Maduro a sigura cu su Gobierno lo ofrece garantia pa e Venezolanonan pa nan bay bek nan pais y e habitantenan di e isla, cu ta bishita den e pais, pa bay bek y a pidi su ministernan cuminsa cu “conversacionnan” cu autoridad di e tres teritorionan aki pa reestablece un “un comercio sano”, segun e portal di noticia El Cooperante.