E grupo conoci como Glacial Boys, cu ta frecuenta e area di Wilhelminastraat un biaha mas ta den publicidad. E biaha aki tin di haber cu un discusion formal cu e tata, cu a bay for di man y a caba na agresion entre tata cu yiu.
Esaki a tuma luga den careda di 10:00 pm den e area di bushalte chikito na Playa. Polis a presenta den un frega di wowo. Tin di menciona tambe cu e anochi aki control policial ta sumamente grandi rond nos isla.
Relaciona cu e anochi di celebracion di Halloween, a pone diferente team riba pia pa asina tin extra blauw riba caya. Na yegada di patruya a constata cu e tata su comportacion no ta un di coopera mucho y te hasta klop a cay riba dje. A pone tur hende na vloer y asina saca afo ken y kico a tuma luga. Hopi palabra di ofensa den direccion di polis no ta locual cu a yuda nan caso tampoco.
Un rato despues cu a plama e grupo for di otro, a detene un persona y transporta esaki direccion warda di polis. Por spera hopi mas accion policial e anochi aki como cu ta un anochi cu hopi hende ta riba caya y algun di nan cu menos bon intencion, sin pensa riba nan comportacion.
