Na comienso di e aña aki AZV a anuncia cu pronto lo bin cu e ley den cua lo introduci un ‘eigenbijdrage’, esta un aporte propio, pa tur hende na Aruba ora di bay ricibi tratamento medico, bishita dokter of laboratorio y tambe ora di cumpra remedi. P’e ultimo aki tambe lo bay tin un positieve lijst, esta remedi di receta cu no lo ta cubri pa AZV mas. Recientemente, e ley aki a yega parlamento, pues oficialmente e fraccionnan lo bay studia esaki y despues lo bay trata esaki den parlamento y vota pa wak si e ta pasa of no.
Den cuadro di esaki, parlamentario pa fraccion di AVP, mr. Gerlien Croes, a bisa cu e ta kere cu un biaha mas ta “purba sconde e realidad pa comunidad, paso prome cu eleccion caba tabatin anuncio di e medidanan aki cu lo tuma luga”, pero pa engaña e comunidad a trek algun decision bek. Croes a bisa cu tur esaki ta parti di un landspakket cu e minister presidente a dicidi riba su mes cu e lo bay firma y awo pueblo lo tin cu bay paga p’e. Relaciona cu esaki, ta cuestiona “di unda pueblo ta bay saca e placa pa sigui biba riba e isla aki?, agregando cu gobierno ta keda bisa cu turismo ta creciendo, pero mester wak tambe si e turistanan lo keda bin Aruba cu e costo halto cu tin akinan.
Pa un relato mas amplio, lesa edicion di TREMPAN.
