Diamars anochi polis di San Nicolas a bay Baby Beach pa atende cu un grupo cu tabata di fiesta riba Beach. Na yegada polis a constata cu ta fiesta di minister Chris Romero. Tabata algun minuut prome cu 8:00 pm. Pues, e mandatario hunto cu su grupo tabata viola gebiedsverbod.
Despues di 7:00 pm beachnan mester ta limpi sin hende. Polis mester a atende fuerte cu e grupo mirando a kere cu debi cu ta fiesta di un minister esaki si por. E agentenan a splica minister Romero y su grupo cu ley ta conta pa tur hende, pues p’e tambe. No tabata necesario pa detene ningun hende mirando cu despues algun advertencia, tur hende a move for di e beach.
Den otro casonan multa a cay, pero e grupo aki si a core cu suerte. Romero a cumpli 45 aña awe, el a nace na Aruba 09-03-1976. Algun dia pasa tambe anochi na Carnival Village polis tabatin problema na un di e snacknan durante presencia di e mandatario. E doño campañado di POR y e minister a kere cu nan ta para riba ley.
Polis a atende y mustra nan cu e comportacionnan aki no ta corecto. Mescos a pasa atrobe na Baby Beach diamars anochi. Gobierno mes ta pone regla y mesun mandatario ta viola regla.
