Diamars atardi algo pasa di 3:00pm docentenan di La Salle College a bati alarma pa un situacion alarmante. Un gang di hoben a pusha porta di e cura di scol drenta riba e tereno y busca problema.
Un di hobennan tabatin arma blanco den su poder. Un cantidad di Polis a yega pa atende cu e situacion. A detene tres hoben y a confisca e cuchiu. Polis a tuma declaracion di e director y otro alumnonan testigo di e scol riba e sucedido.
A mira presencia hasta di director di SKOA pa atende cu maestronan y autoridad na e scol.
Dos di e hobennan no ta asisti e scol, mientras un di e hobennan si. Hobennan tin un reglamento di cuenta bieu cu a tuma luga algun tempo atras caminda e agresor di awe lo a kibra su man na un disputa cu a bay for di man den area di Palm Beach Plaza na Noord. Despues cu e man a drecha, a dicidi di presenta na scol y asina regla cuenta bek.
