Durante e promé edishon di Present Your Startup Caribbean e empresa “Startup” Curaçao AgroTech a sali komo e ganadó!
E Yu di Korsou Alex van Sprang a haña banda di un invershon di 120.000 florin serka invershonistanan ku a biaha ku e organisashon di Present Your Startup, tambe kolaborashon di Curaçao Development Institute (CDI) pa yuda e “startup” krese. Tambe Curaçao AgroTech lo haña guia di Curaçao Innovation Technology Institute (CITI) via Startup Launchpad. Banda di esei lo e biaha e siman aki pa Aruba huntu ku e organisashon di Present Your Startup pa un presentashon durante e ATECH Congres ku 1000 personen. Present Your Startup ya ta organisá for di 2014 e programa aki na Hulanda i tambe na New York i asina a konektá ya kaba diferente startups ku invershonistanan. Present Your Startup tin un aserkamentu ku ta aksesibel , konosí pa invershonnan “live” i ku ta úniko pa stimulá e ecosistema pa negoshinan nobo riba merkado den nan netwerk regional i tambe internashonal.
E evento a wòrdu bishitá pa Minister di Desaroyo Sosial, Labor i Bienestar Hensley Koeiman i su señora esposa. Tanto Minister komo Luis Santine di CDI a keda sumamente impreshoná ku e konseptonan inovativo ku e empresanan partisipante a”pitch”. Komo un di e partnernan lokal di e organisadónan CDI ke sigi stimulá e desaroyo di e konseptonan i prepará e kaminda pa mas invershonista por sigi
invertí den e konsepto nan aki na bienestar di ekonomia di Kòrsou i alaves tambe na kreation di mas kupo di trabou. NoFoodWasted ganadó di Present Your Startup Nederland 2016 i Present Your Startup New York 2017 a habri e anochi un presentashon impreshonante. For di e reakshonnan di públiko despues di su presentashon a bira mas kla ku su solushon pa desperdisio di kuminda tambe lo ta un exito den e region Karibense. August de Vocht komo ya un empresa ku ta kresiendo fuerte a opta pa no kompetí pa e premio di invershon den e evento aki, aunke ku e ta ainda buskando un finansiamentu di 2,5 mion euro. E evento di “pitch” pa invershonista a wòrdu moderá pa Nevita Mezas (Startup Curaçao) huntu ku e inisiadó di Present Your Startkup Valerie Vallenduuk i a tuma lugá na Landhuis Jan Thiel ku resientemente a wordu renová.
Huntu nan a fasilitá e pregunta krítikonan di e invershonistanan presente na e empresarionan startup partisipante. E otro partisipantenan ku a destaká i a hiba e título di runner ups ku nan konseptonan tabata Dennis van Donselaar ku StayCool i tambe Royendgel Silberie di Cambackup. Noot voor de redactie: voor meer informatie neem contact op met Valerie Vallenduuk via 0031646730993 of via mail [email protected]
