Cosecha a organisa un competencia di “it Challenge”, cual nan ta busca e producto autentico p’e aña aki. A cuminsa cu e competencia desde september, pero nan tabatin e idea caba y na momento cu COVID-19 a cuminsa, nan a sigui cu e idea. E ganado absoluto a scoge pa traha un popchi cu ta representa Aruba.
Joanne Dirks, director di Cosecha, a splica cu e idea tabata pa bin cu algun tayer na comienso. E participantenan a inscribi trempan y a participa den e tayernan di Branding, Social Media y con ta balora bo producto. No solamente e parti di artesania ta importante, esta con e tecnica cu ta importante, pero tambe e despues di ora caba cu ne, con ta bay mercadia e producto. A duna e participantenan curso di esey.
E participantenan cu a inscribi trempan tambe a haya un curso den nan rango via e website domestico. Esaki tabata algo online y door di COVID no por a hacie diferente. Dirks a conoce e participantenan di cerca. Un total di 24 persona a inscribi, pero na comienso cuater a cay afo y di e bintinan ey tres no a logra entrega nan producto.
E diesshete participantenan cu a keda, a pasa den un evaluacion di e comision. Despues di a evalua e trabounan, duna un seyo di cual a scoge e dies finalista. Un panel completamente diferente na e comision a scoge e ganado absoluto cu tabata Lidia Maldonado.
Lidia Maldonado ta un artesano pa hopi aña y a participa na e reto cu su popchi Divita. E ta un popchi di ceramica y ta inspira di e mata Watapana, conoci como Divi Divi. Divita ta representa henter Aruba y su bisti ta pinta cu diferente paisahe. E popchi aki ta un edicion special “I am Divita, I am Aruba.”
