Quota Club ta haci e trabou di conscientisacion di cuida oido. Semper nan ta traha hunto cu Wit Gele Kruis. Un biaha mas Quota Club ta yuda Wit Gele Kruis cu un otro proyecto.
Hopi aña atras Quota Club a sponsor e test di oido di muchanan chikito y ora babynan a caba di nace. Awo un biaha mas ta yuda nan cu un otro proyecto, asina Mariela Nava-Figaroa di Quota Club, a bisa. E proyecto aki ta popchinan, cual nan ta bay uza pa duna charla na scolnan.
Nan ta sponsor e proyecto y cu esey ta duna beernan, cu por duna e muchanan of pa uza con Quota kier p’e muchanan. El a bisa cu un beer semper ta yuda pa tin un comfortabilidad.
Quota Club ta desea Monique Giel-Labad, kende ta un consehero di mamanan hoben di Wit Gele Kruis, y e staff di Wit Gele Kruis exito. E club semper kier sigui yuda Wit Gele Kruis cu proyectonan pa mucha.
