Jan de Ruyter, hunto cu directiva di Fundacion Nos ta Aruba a manda un carta tanto pa parlamento como pa Gobernador di Aruba, Alfonso Boekhoudt y Minister Presidente mr. Evelyn Wever-Croes, di nan desconfiansa riba minister di enseñansa, dr. Rudy Lampe. Tin un carta cu e fundacion a manda Minister Presidente riba e mal maneho data for di tres aña pasa contra minister Lampe riba enseñansa na Aruba y e consecuencianan cu esaki tin pa pais Aruba y e necesidad urgente pa tuma medidanan inmediato y sin tardamento den su contra. Pero parce cu no a contesta e carta aki.
A base di e preocupacion cu tin, de Ruyter, hunto cu e fundacion a sa di expresa nan falta di confiansa pa cu e minister e cuestion, tanto como mandatario, como tambe den punto di bista di partido ReD.
Gobierno no por y no mester sigui cu un minister contra cual su propio partido a presenta un mocion di censura, cu no por cumpli cu su tarea, cu kier Americanisa e enseñansa di Aruba, cu ta daña hubentud y ta inculca rabia den henter e sector di enseñansa y rebeldia y baha e prestigio di gobierno di Aruba.
Adhunto e dos cartanan pa tanto parlamento como pa gobernador di Aruba y prome minister.
Loading…
Reload document 
Open in new tab
Loading…
