Fundacion Contra Violencia Relacional (FCVR) tabatin un rueda di prensa pa papia tocante nan proximo actividad pa recauda fondo. E fundacion ta existi 26 aña y durante tur e tempo aki nan a gosa di un sosten y aporte grandi di parti di nos comunidad.
Desde 2020 nan a cambia nomber pa ta mas inclusivo. Comunidad conoce e fundacion aki como fundacion Hende Muhe den Dificultad, pasobra asina ey por duna sosten na ambos genero. E fundacion ta atendiendo hende di tur genero y tin 5 pilar cu nan ta atendiendo.
E pilarnan ta:
1. Ambulante: homber y muhe
2. Residencial: Ainda hende muhe so
3. Post cuido: homber y muhe
4. Abogacia: general
5. Centro di experticio y educacion: General.
Pa e fundacion por opera nan actividadnan diario, nan tin un tekort di 3000 florin pa luna. Pa e motibo aki ta organisa recaudacion di fondo riba caya y lo tuma luga riba e dianan 25 di juni, 2 y 9 di juli. Nan lo ta para na diferente rotonde di Aruba. Tambe por haci donacion via banco RBC# 30481.367.
E fundacion tambe a sinti e consecuencia di pandemia y e situacion financiero di Aruba, unda nan tambe mescos cu otro fundacion a mira un descuento di 5% den subsidio. Ta algo mundial, nan ta realisa esaki, pero ta haci apelacion na Aruba su comunidad generoso pa aporta. Si cada ciudadano contribui cu 1 florin nos lo yega 100.000.
