Awe riba dia Internacional di Derecho di Mucha y Hoben ta bon pa nos pone enfasis riba nan derecho y proteccion. Cada biaha cu un mucha nace na e mundo aki e tin derecho di lanta den un hogar cu un tata y mama caminda e mayornan ta responsabel pa duna e mucha tur atencion.
Investigadonan di comportacion di conducta humano ta bisa cu amor, amabilidad, contacto fisico ta hopi necesario den un famia. E famianan cu ta papia cu amabilidad cariño y respet tin mucho mas stabilidad den nan bida.
E Fundacion kier ta un brasa pa nos comunidad pa yuda mayornan y stimula famia como fundeshi di nos comunidad.
Tin diferente programanan y ayudo cu nos ta duna pa un bon desaroyo di e mucha / hoben y famia.
CEC: Huiswerkbegeleiding pa hobennan di Scolnan Secundario 4 biaha pa siman di dialuna pa diahuebs Orario: 1:30 pa 5:30pm.
CEC: Bijles pa muchanan di basisschool, riba dialuna y diahuebs Orario: 2:30 pa 5:30pm.
CAS DI MUSICA: Un muziekschool pa full famia for di edad di 6 aña te cu 60 + Instrumentnan musical ta: Piano, Guitara, Cuarta, Baho, Drum y Canto.
OANSA: Pa mucha di 3 te cu 12 aña. Tur diabierna Orario: 6:00-8:00pm. E programa ta contribui na e desaroyo di e mucha cu un base di norma y balornan Cristian.
HIPP: Un Club pa hoben entre 13 pa 19 aña. E programa ta basa riba norma y balornan cristian, ta haci deporte, arte, actividadnan cultural, workshop y campamento. Tur diasabra Orario: 7:00-9:00pm.
Discovery: Un school di diadomingo pa mucha di 3 te cu 10 aña. Orario: 10am – 12pm.
Ayudo Social: Un yudansa cu nos ta duna na famianan cu ta pasa den hopi necesidad. Apesar di nos limitacionnan nos ta yuda dentro nos posibilidadnan.
Nos ta gradici Dios pa e apoyo cu nos ta ricibi di boluntarionan y instancianan manera Cede Aruba / SWF Caribe y comunidad di Aruba.
Pa mas informacion tuma contacto cu nos via E-mail: [email protected] Tel: 5855544 5927794. Of pasa personalmente na nos oficina na Piedra Plat # 50.
