Partido MEP a tene un Conseho di Partido Extraordinario, cual durante di un rueda di prensa, parlamentario Hendrik Tevreden, presidente di e partido a hiba palabra.
El a splica cu nan ta para tras di e decision di presidente di Parlamento. Partido tambe a duna sosten na e gobierno pa continua.
Ta un Conseho di Partido cu a dura bastante largo cu a trata varios topico cu ultimamente tabata den boca di pueblo y tabata sosodiendo rond di nos isla, pa loke ta e crisis cu tin den e gabinete actualmente, entre otro e mocion di desconfiansa contra Marisol Lopez-Tromp, kende ta cuestiona e legalidad di e mocion aki.
Parlamentario Hendrik Tevreden a splica cu e Conseho di Partido aki tabata uno fructifero unda cu por a comunica e puntonan cu tin di haber cu e partido.
MEP, un partido cu a bin ta traha duro pa pueblo y awe a confirma cu ta cla pa continua cu esaki y haci trabao miho cu por.
Sigur ta asina cu sa cu tabata tin un situacion di parti di minister Marisol Lopez-Tromp cu den Parlamento tabata tin un mocion pasa unda cu esaki a conta cu e mayoria den Parlamento. Tin un discusion riba e mocion aki si e ta legal of no.
Segun Tevreden awe a discuti esaki den Parlamento. Tin cantidad di conseho huridico y di diferente hurista cu ta para tras di loke cu a tuma luga den Parlamento. Locual a pasa den Parlamento ta corecto. E ta un mocion cu ta legal, e ta un mocion cu ta conta y e tin cu ta bon cla awor aki cu Parlamento a haci lo corecto.
Un mocion cu a pasa cu un mayoria y cu esaki, e capitulo aki a cera. E colaboracion, e confiansa cu tabata tin den minister Marisol Lopez-Tromp a termina. Ta mas cu claro cu e carta ta pasa di Parlamento pa Gobierno pa asina ey Gobierno por continua y haci trabao pa termina e capitulo aki y cer’e.
Prome Minister Evelyn Wever-Croes a splica di su banda cu no a trata e presupuesto supletorio den Parlamento dialuna. A pidi pa pospone pa motibo cu no tabata cla completamente cun’e.
E presupuesto supletorio ta contene e areglo y fondonan pa FASE, pa subsidio di salario, pa sosten na empresanan mediano y chikito. Ta un ley cu ta hopi leu. Asina cu ta cla cun’e lo duna un señal, pa asina por continua.
Segun e mandatario, como lider di MEP, a agrega cu unanimamente a para tras di e decision di presidente di Parlamento, tras di e decision y actuacion di fraccion di MEP.
Esey ta locual cu awe partido a duna e sosten tambe pa continua den loke Gobierno ta haciendo. Ta convenci cu Aruba cu tin e miho gobierno cu a soña di tin den e pandemia cu ta aden y tin pensa di haci esfuerso pa continua den e tarea aki.
Semper tin reto na caminda, tin cosnan cu ta stroba, pero tin cu surpasa nan. Esey ta loke cu ta haciendo. Esey ta e posicion di Conseho di Partido.
