Un accidente basta fuerte a tuma lugar diadomingo anochi pasa di 10or riba e caminda grandi di Tanki Leendert dilanti Happy Stop Snack Truck.Un Ford Transit Van blauw number conoci pa Polis a sali for di dicho snacktruck for di banda drechi di caminda. Net e momento ey un brommer Suzuki Hayabusa tabata biniendo for di Paradera y a dal den e auto.
Polisnan cu a yega na e sitio a cera ambos banda di caminda pa e investigacion. Ambulance tambe a yega lihe pa Paramediconan atende cu e herido. Mester menciona cu e tabata tin su helm bisti.
E chauffeur y auto a baha somenta. Diferente testigo a mira y e posiblemente cameranan di negoshinan den area a capta e auto cu e huy.
E daño na e brommer tabata bastante. Despues di termina e investigacion, e Polisnan a bay na Koeriboeri unda a topa e Ford Transit na e cas cu e ta registra y a confisca e auto. Ta castigabel bandona e accidente sea na pia of cu e auto.
