Recientemente directie y alumno nan di Filomena College MAVO na Sanicolas a inaugura Plaza Johnny Lue.
Durante su bida Johnny Lue tawata un persona cu semper a conmove tur personal di nos scol cu su forma positivo di wak bida. E tawata na bida un ser humano masha stima pa tur cu a conoce.
Den presencia di su sra. Mirla, su yiunan Sayenne, Sue Jeen, Naviel, Daryl, algun famia, tur alumno y personal e desvelo di nomber di e plaza a tuma luga.
Director Herbert Goedgedrag a hiba palabra na e occasion aki expresando con importante ta pa e recuerdonan positivo di Johnny dfm. keda keda graba den nos memoria. Cu e plaza aki nos ta sigura cu Johnny pa semper lo ta parti di nos.
