Na momento cu haci un peticion y logra haya un cas di huur for di Fundacion Cas pa Comunidad Arubano FCCA, tin cu tene na condicion y reglanan. Tin biaha hende no sa con e proceso pa haya un cas ta hinca den otro. Jeanine Croes, di e departamento di Woon en Wijkbeheer di FCCA ta responsabel pa e barionan. Nan ta atende cu molester y kehonan di e habitantenan di e bario. Hopi biaha hende no ta realisa cu e ta bay den combinacion cu un molester y por ta cu un hende cu tin un debe di huur tambe. Hendenan asina tin cu haci un areglo di pago y tin cu haci acuerdo cu nan riba nan comportacion den bario.
Jeanine Croes ta sigui splica cu pa pak esaki aan, tin un proceso. Esey ta hinca den un manera den otro cu FCCA tin cu haci tur cos posibel pa evita cu ta saca hende for di cas. Ta manda un prome carta, sea cu nan mes ta constata algo of un habitante manda un keho aden.
Den e carta ta indica na e huurdo pa tene cuenta cu bisiñanan, pa stop loke nan ta haciendo. Si esey no traha, tin un di dos carta cu ta manda, caminda cu FCCA ta bolbe indica na nan cu ainda molesternan ta siguiendo. Si caba di haci esey tin un di tres carta si esey no yuda, unda cu ta verwijsnan na e huurovereenkomst unda cu nan a firma cu na no ta duna e molester cual nan ta causando y cu por tin consecuencianan huridico si no mantene na e reglanan aki.
Despues di esaki, prome cu bay over na e di cuater carta cual hopi biaha ta e carta cu Croes y e afdeling ta firma, unda cu ta bisa cu si nan no stop e molester cu nan ta dunando, e caso lo bay den man di abogado. Den tur e proceso di tur e cartanan aki, ta papia cu e personanan telefonicamente, bay cas papia, invita nan pa bin oficina pa papia, polis ta bin intermedia y papia, Dienst Sociale Zaken ta bin pa guia of un otro instancia cu ta envolvi, depende di e molester ocasiona.
Full e proceso ey, prome cu yega asina leu pa por manda e di cuater carta cu ta bisa cu e caso aki lo bay den man di abogado, tin cu compronde cu mayoria di e casonan di molester no ta yega asina leu.
Mayoria hende ta scucha na e prome, di dos y hasta di tres carta. Ta masha tiki hende sa haya di cuater carta. Por imagina cu un persona cu no ta scucha, cu ta lag’e yega asina leu, hopi biaha tin mas problema. Un caminda FCCA tin cu trek e streep di kico por sigui acepta. Nan tin un deber na e otro habitantenan tambe. Habitantenan cu si ta paga nan huur. Habitantenan cu si ta nechi. Cu si kier sinti nan mes trankil despues di un dia di trabao, duro y pisa. Ta hopi cos cu e departamento aki ta experencia y no ta facil, segun Croes.
Tin un cambio
Semper casnan di pueblo tin un bon nomber den comunidad. Croes ta splica cu ta haci un mescla di inkomen, hendenan cu ta traha, hendenan cu tin bijstand. Ta mesclanan pa tin un bario caminda tur hende ta na cas. Esey ta keda hunga un rol grandi tambe. E atencion cu ta duna pa tey presente den bario. Ta haciendo hopi actividad den e bario, por ehempel na Kiviti y tambe na Bushiri, caminda cu polis tabata envolvi den e actividadnan aki. E habitantenan ta gusta masha hopi mes y nan ta participa tambe. Vooral e hobennan ta participa hopi den e actividadnan. Semper FCCA ta creativo y purba maneranan pa acerca y crea un relacion cu e habitantenan.
E parti problematico
FCCA tin un total di 1600 cas na huur y e porcentahe problematico ta chikito, segun Croes. Sinembargo e porcentahe aki sa duna e bario mal nomber. Mayoria di e hendenan cu ta biba den e barionan aki, ta nechi, hendenan trahado etc. Hopi biaha hende ta asocia e cantidad chikito aki, cu e bario y ta duna e mal nomber.
Acuerdo di huur
Na Hulanda si huur un cas pa un of dos persona, no mag di tin di tres den cas. Tin control. Sea cu nan ta hisa e huur of ta saca e personanan afo. Na Aruba FCCA ta aplica e mesun maneho asina aki. Segun Jeanine Croes, sa topa cu tipo di situacionnan asina. Ta cosnan cu nan sa constata, pero tambe melding tambe di bisiña. Semper ta controla eseynan. Ora tin hopi hende den un cas chikito, e molester por ta mas grandi. Y ta maltrata e cas mas lihe ora tin mas hende. Tin un obligacion cu gobierno pasobra nan ta duna subsidio na e hendenan aki. Hopi biaha e hendenan cu tin e casnan aki ta haya un subsidio basa riba e cantidad di hende cu tin den e cas.
