Diadomingo, 24 di maart, e luna a cumpli diescuater dia y ta den e fase di Luna yen di su ciclo lunar. E tabata 99% ilumina. E fasenan lunar ta revela e paso di tempo den shelo nocturno. Algun nochi, ora nos mira e luna, e ta yen y briyante; tin biaha e ta un rayo di plata. E cambionan di aparencia ta e fasenan di luna. A medida cu e luna orbita e mundo, e ta pasa pa ocho fase diferente.
E cuater fasenan principal di luna (luna nobo, prome kwart, luna yen, ultimo kwart) ta sosode aproximadamente un siman di diferencia, siendo e luna yen su etapa mas deslumbrante.
E siguiente fase lunar den maart ta e “luna yen (full worm moon).” Esaki ta tuma luga 25 di maart pa 3:00 am EDT (07:00 GMT). E luna yen ta e punto unda henter e cara di luna ta keda ilumina p’e solo mira desde mundo.
“Esaki ta lo mas cerca cu nos ta di mira e iluminacion di solo den henter cara di luna (pa cual, tecnicamente, esaki lo ta media luna real)”, NASA a skirbi den su guia lunar. “E luna ta opuesto di solo, bista desde e mundo, loke ta revela e banda diurno di luna.”
En realidad, e luna ta aparece completo prome cu e yega su fase final. E por mustra p’e observador casual durante un par di dia prome y despues di e fecha real. “E luna yen ta sali atardi y ta pone e manece”, NASA a skirbi.
E luna, manera mundo, ta un esfera, y semper ta medio ilumina p’e solo. A medida cu e luna ta biaha rond di mundo, nos ta mira mas o menos e mita ilumina. E fasenan lunar ta describi ki parti di e disco lunar ta ilumina desde nos perspectiva.
Luna nobo: E luna ta entre mundo y solo, y e banda di luna cu ta mira nos no ta ricibi luz solar directo; e ta ilumina solamente p’e tenue luz di solo refleha desde mundo.
Luna creciente: A medida cu e luna ta move rond di mundo, e banda cu nos por mira ta bira gradualmente mas ilumina p’e luz solar directo.
Prome kwart: E luna ta 90 grado di solo den shelo y ta medio ilumina desde nos punto di bista. Nos ta yam’e “prome kwart” pasobra e luna a recore aproximadamente un kwart di e caminda rond mundo desde e luna nobo.
‘Waxig gibbous’: E area di iluminacion ta sigui aumenta. Mas di mita di e cara di luna ta mustra di ricibi e luz solar.
Luna yen: E luna ta na 180 grado di solo y ta mas cerca posibel di ta completamente ilumina p’e solo desde nos perspectiva. Solo, mundo y luna ta alinea, pero como e orbita di luna no ta exactametne den e mesun plano cu e orbita di tera rond di solo, strañamente ta forma un linea perfecto. Ora nan hacie, nos tin un eclipse lunar ora e sombra di mundo crusa e cara di luna.
‘Waning gibbous’: Mas di mita di e cara di luna ta mustra di ricibi luz solar, pero e cantidad tabata baha.
Ultimo kwart” E luna a move otro kwart di e caminda rond mundo, p’e di tres posicion di kwart. E luz di solo ta briya awo riba e otro mita di cara visibel di e luna.
‘Waning crescent’: Menos di e mita di cara di luna ta mustra di ricibi e luz solar y e cantidad ta baha.
Finalmente, e luna ta regresa na su posicion inicial di e luna nobo. Awo e luna ta entre mundo y solo. Por lo general, e luna ta pasa riba of bou di e solo desde nos punto di bista, pero ocasionalmente ta pasa husto dilanti solo y nos tin un eclipse lunar.
