No ta prome biaha cu tin accidente n’e crusada di Weststraat cu Professor Lorentzstraat. Diadomingo anochi, despues di 8:30 pm, a sosode un accidente na e crusada aki. E accidente aki tabata entre un SUV Hyundai preto y un Mitsubishi Lancer shinishi scur.
Polis a presenta na e sitio pa asina atende cu e accidente aki. E accidente aki tabata uno fuerte lagando hende herida. E impacto tabata asina fuerte cu a pone e SUV baha caminda y dal contra un mata dilanti un cas. Ambulance a presenta na e sitio, unda e paramediconan a trata esunnan cu tabata keha di dolor.
E Mitsubishi Lancer a ricibi hopi daño n’e parti dilanti, mientras cu e Hyundai tabatin daño na banda drechi.
