Diasabra a tuma un luga un Family Film Bazaar na Commandeur Pieterboer school. Segun Kayvan Fletcher, hunto cu un grupo di 5 persona a organisa e evento aki. No tabata por a haci e evento aki posibel sin nan sponsornan, entre nan Aruba Wine & Dine.
Tambe nan a haya patrocinio di Safecom, Panaderia Moderna, Universidad di Aruba, Ibisa. Fuera di esey nan tabata tin varios otro individuo y instancianan cu a sa di contribui como sponsor.
Durante e anochi aki tabata tin doorprize pa esnan presente. Segun Fletcher, nan ta hopi satisfecho con e evento a bay. Por a wak cu tur hende tabata contento. Hopi hende a bin yuda tambe. A haya hopi sponsorship di e mayornan pasobra nan a bende e carchinan, hasta nan a haci donacion di algun cos mas pa yuda cu e evento. E fondonan recauda ta en realidad pa yuda Commandeur Pieterboer Basisschool pa nan expande nan speelplaats pa e muchanan di 1ste y 2de klas.
Tur ganashi ta bay pa e scol. E ticketnan cu a bende, e fondonan a bay pa e scol, y demas cosnan cu a bende tambe a bay pa e scol. E proyecto ta pa expande e speelsplaats, manera ya indica. Esaki ta di dos parti pa laga ehecuta e proyecto aki completo. E scol ta hopi cos cu e evento di diasabra.
