Despues di e despedida nacional di diahuebs anochi, diabierna tabatin e despedida pa famia y amigonan di e gran artista y “Tata di Cultura” Padu del Caribe.
Den oranan despues di merdia e curpa di Padu a yega Kerki Protestant na Playa.
E tabata un despedida hopi mas intimo unda tabata presente famia, amigonan, y artistanan amigo di Padu. Por a mira presente tambe liderazgo di e partido cu un tempo Padu a representa den Eilandsraad, esta AVP.
E circulo di famia y amigonan a compaña e corteho di Padu te momento cu a hib’e na su ultimo luga di sosiego den santana Protestant den Caya Ernesto Petronia.
Padu a fayece dia 28 di november ultimo na cas, na edad di 99 aña.
Un biaha mas palabra di forsa ta bay na su famia.