Xignara “Siki” Tromp di 48 aña, biba na Driemasterstraat 14, tabata pashent di COVID y a fayece entre ayera nochi pa awe mainta y esaki tabata pa motibo di negligencia medico. Famia ta pidi gobernantenan pa scucha pueblo riba negligencia medico y pa haci algo.
Dia 8 ultimo a haya resultado di tin COVID-19, pero ayera el a bira malo y cay den otro. Nan a yama dokter di cas y no tabata contesta. A purba haya dokter di warda y nada, tambe nan a yama Central pidi pa asistencia di ambulance pero a bisa nan cu mester di aprobacion medico. Despues di a bolbe yama dokter na warda, el a bisa nan pa Tromp come.
Mainta e famia ta ripara cu e ruman no ta duna señal di bida. Tromp tabata sufri di respiracion y a haya COVID. Auto di cherche a presenta na sitio pa bay cu e curpa di Tromp.
