Keto bay falta dos atracador pa keda deteni. Tur cost a mustra cu e dosnan cu falta tambe ta Venezolano.
E atraco a tuma luga algun dia pasa riba e placa di salario di trahadornan di Waikiki cu ta un apartamento na Noord den construccion. E cuater atracadornan a topa cu nan riba caya y asina a haci e dos detencionnan. Dos a core bay. Un di e atracadornan ta Venezolano casa na Aruba. Su trabou segun fuente den Polis ta comete crimen. E otro cu tambe a keda deteni ta Venezolano illegal na Aruba. E dosnan cu a huy tin informacion di nan. Ta cuestion di momento pa pone man riba nan tambe. No a haya e arma usa. Un di e dosnan cu a huy tin e arma. E placa tambe a deshaci di dje of e otronan a huy cu e placa. Ta un suma di riba 12 mil florin. Esaki ta e foto di e dos atracadornan deteni. Uno illegal y e otro casa na Aruba y ambos ta di Venezuela. E auto ta confisca tambe pendiente e investigacion andando.
