E situacion na Venezuela ta basta serio. Un cantidad grandi di hende ta sin cuminda y sin paña pa bisti.
E bida na Venezuela no ta uno normal. Na Aruba tin hopi hende cu tin familiar of conocir na Venezuela. Pesey mes e demanda pa necesidad ta pone cu hopi material ta ser manda for di Aruba pa Venezuela via waf di Barcadera. E barconan di Venezuela cu ta trece fruta y berdura of carga seco, ta bolbe Venezuela cu tur e carga y bultonan. A papia cu esnan cu ta encarga. Na waf di Barcadera e personal di Astec a cambia e Sistema pa asina tin mas seguridad. No ta laga cos drenta un pa un. Ta acumula tur cos pafo riba un truck y asina ta drenta un solo biaha bay na e barco. A mira un truck yen riba un mainta. E famianan of conocinan ta trece e cosnan. A mira basta cuminda, cahanan di galiña, aros y basta paña. E necesidad ta grandi pazuid y tur hende sperando riba un cambio cu lo dura basta prome cu Venezuela bin bek riba pia.
