E exposicion di Censo (1960-2020) lo tuma lugar durante e siman di 20-24 di augustus 2018 na Biblioteca Nacional Aruba (Oranjestad) for 8 or di mainta te 7 or di anochi (dialuna, diaranzon, diabierna) y for di 8 or di mainta te cu 5 or di atardi (diamars y diahuebs). Henter pueblo di Aruba ta cordialmente invita pa pasa bishita e expo aki.
En coneccion cu e expo aki oficina di estadistica (CBS)
lo presenta un corto resumen di cada Censo organisa
na Aruba.
Censo 1981
Durante e conteo di e poblacion di Aruba,
na aña 1981, tabata tin 60,312 persona. E
grupo aki tabata consisti di 29,340 hende
homber y di 30,972 hende muher. E
poblacion por wordo parti den e siguiente
categorianan di edad: 0 – 14 aña (25.8%),
15-64 aña (67.5%), 65+ aña (6.7%).
Den 1981, tabatin un aumento den e
participacion di studiantenan di 14 aña
of mas. Di 26.6% pa 28.4%.
Den 1981, tabatin total 14,919 vivienda.
88.5% di nos poblacion tabata Catholico sigiu pa
Protestant cu 2.9% y Methodista cu 2.4%.
52.7% di nos poblacion, 15 aña of mas tabata forma parti di nos forsa laboral. 70.7% ta consisti di hende homber y 36.3% di hende muher.
E top-5 sectornan na 1981 tabata lo siguiente: Otro servicionan (entre otro Gobierno) (38.5%), Comercio y sector gastronomico (32.7%), Industria (8.6%), Construcion (8.0%), Transporte y comunicacion (5.4%).
E indice di emigracion tabata 34.39 y indice di imigracion tabata 32.20. E populacion di Aruba tabatin un crecemento natural di 9.93.
E relacion entre nacemento y morto na Aruba ta mustra un crecemento significativo di e poblacion. Cu un indice di nacemento di 17.35 y un indice di morto di 5.23. E poblacion tabatin un crecemento natural di 12.12 persona pa cada mil persona di e poblacion total.