Dunadonan di trabou a wordo acerca pa participa na e Expo Labor, mescos cu e aña anterior. Sa cu na Aruba, tin trabaonan riba diferente area, un mas cu otro y e ta logico cu mirando cu nos ta bibando riba un pais cu ta draai economia a base di turismo, e sector di Horeca sigur ta un sector grandi, caminda cu mayoria di trabao a sa di resalta den e sector aki, e sector di duna servicio. Den e Expo Labor no tin duda cu esey tambe lo ta e caso. Pero no ta nifica cu lo tin otro oportunidadnan riba otro sectornan laboral tambe disponibel riba e dia aki di Expo labor.
Segun Richinel Stamper. Si mira e mercado, e sector di Horeca semper a domina, mirando cu nos ta un luga cu ta duna hopi servicio riba restaurant, club, hotel, etc. E parti eynan semper a domina den e sorto di trabaonan cu tin disponibel na Aruba, compara cu otro funcionnan cu toch tambe tin, pero no mesun hopi cu e grupo aki.
Pa hopi aña caba y ta tende for di diferente instancia di e dificultad cu tin pa haya hende pa haci un trabou y cu ta interesa pa haci tipo di trabaonan aki. Esey no ta nifica cu e intension of e manera di purba di yega na e hendenan mester stop. E trabou mester sigui. E dunado di trabou mester sigui busca pa haya e hende na actividadnan manera Expo Labor, unda cu bo ta haya vacaturanan asina disponibel, unda cu e dunado di trabao ta haci su esfuerso pa haya hende. E meta ta pa e funcionnan di housekeeping mester wordo yena cu e personal local. Asina mes tin diferente reto pa cual motibo ta dificil pa haya hende. E persona mester purba toch y mira si e gusta e trabou y coy experiencia. E intencion ta pa aloca e personanan, segun Richinel Stamper.
Un di e retonan ta cu tin hendenan cu no ta interesa pa haci cierto tipo di trabao asina. Tin e parti caminda cu tin trabaonan cu toch ta wordo categorisa of ta wordo mira como trabaonan bastante pisa y dificil pa ehecuta. Bo tin trabaonan cu kisas no ta agradabel den bista di e buscado di trabao, pero en realidad e ta bay pa e intencion di purba aloca e hendenan, manera ya menciona.
DPL ta kere tambe cu hende mester por haya un oportunidad tambe, di otro banda, e buscado di trabao mester por haya e oportunidad pa por presenta su mes y kisas purba e trabao. Por ta si nunca a yega di haci sorto di trabao asina, kisas e ta un cuestion di purba y tuma un tiki experiencia, wak con e ta, por ta na caminda lo hay’e interesante y hasta crece y yega mas leu den dje. E intension ta pa aloca e personanan, manera menciona. No tur biaha ta logra pero e persistencia ta keda como departamento pa aloga hendenan local riba funcionnan manera entre otro parti di housekeeping den hotelnan.
