Awe tardi alrededor di 6:10pm a sosode un accidente na Palo Marga, na San Nicolas. Ey a organisa un evento di fever cu motorcycle. Durante un di e shownan un di e motociclistanan a perde control y accidenta. Ambulance a yega mesora pa brinda asistencia.
Pero ora polis a yega na e sitio a constata cu ta un evento formal tin eynan cu ta inclui musica, bar, etc. Mirando e accidente cu a sosode, a dicidi di para e evento y manda tur hende cas.
Na salida di e brommernan tabatin poco draaimento y driftmento den vecindario pa cual a rekeri extra patruyanan di polis. Awasero no a coopera cu e motociclistanan, pa cual nan a haya nan mes “obliga” pa busca caminda di cas, sino lo a haya nan mes confronta cu awasero.
Nota di Redaccion:
E grupo di motor aki tin sed pa fever. Dor cu pa mas cu un aña gobierno of minister Otmar Oduber a hunga wega cu e pista, e problema a cuminsa riba caya. Sea Barcadera of banda di Kooyman. Hasta a cuminsa den un cura di un negoshi riba Watty Vos Blvd cu e actividad di Fever den forma ilegal.
Mester duna Palo Margo na e grupo di amantenan di deporte di motor cu brommer y auto pa nan usa e area aki pa practica e actividadnan cu nan gusta. Evita peliger riba caya caminda diariamente mester bay kibra e actividad di fever den Sero Colorado, Barcadera cu careda ilegal y riba Watty Vos Blvd den e area di Kooyman.
