Nos por a lesa cu ta busca tur manera pa hustifica e acuerdo di aventura cu Eagle LNG. Un compania cu no tin su propio pos di gas. Esaki ta duna nos di conoce cu ta riba mercado internacional lo mester cumpra e gas y bin rebende cu WEB N.V. Un compania cu tabata na principio associa cu Quanten Consortium Aruba. A haci propaganda cu e refineria di Aruba lo bay habri. Quanten Consortium Aruba a publica na December 2020 cu nan ta cla pa inverti 3.5 biyon den e refinería: “We will re-design, refurbish and operate the Refinery Process Units to operate at a capacity of 235,000 bpd with options to expand to 350,000 bpd”. Esaki ta e website: https://www.quantenconsortiumaruba.com. Kico a bay malo entre Eagle LNG y Quanten ta desconoci.
Pa hustifica e acuerdo ta bisa cu e gas ta mas barata y ta mas limpi. No ta bisa si cu e ta keda un fossil fuel. Na aña 2015 gobierno a firma un acuerdo pa bay over na e sistema di green energy. Gobierno di Aruba dia 17 December 2020 a join Common Trust Network (World Economic Forum https://www.weforum.org/press/2020/12/aruba-first-government-to-join-the-commontrust-network/) E prome gobierno cu formalmente a join Common Trust Network. Esaki ta contra di Sustainable Development Goals bou di nr. 7 energia renobabel. Sustainable Development Goals cu tin e agenda 2030.
Locual cu no ta bisa ta cu e gas natural likido lo no costa mas o menos 34 dollar. Mester multiplica 34 dollar cu 2.82 pa bo haya e costo te aki na Aruba. Si nos tum’e bruto, e ta sali tres biaha mas caro (S34,- x 3= $102,=). Un bari di petroleo ta costa alrededor di $73,70 pa bari. Si nos conta bon kiermen cu nunca e lo sali mas barata cu e heavy fuel oil. Kier argumenta cu e prijs di heavy fuel oil ta fluctante y e prijs di gas no. E prijs di LNG tampoco ta stabile cu otro palabra fluctante. Increibel con kier busca tur manera pa hustifica un deal cu bo no sa e contenido. Si tur deal por bay asina, Aruba lo no mester di parlamentarionan mas paso nan no por controla gobierno.
Eagle LNG ta un intermediario y esey ta haci cu, pa Aruba, e no ta rendabel. Un inversion di 100 miyon di dollar den e terminal na e refineria cu ta sirbi pa abastece gas na Web N.V. como unico cliente pa un duracion di 20 aña. Aruba a drenta den aventura cu un compania cu apenas tin un planta chikito na Merca, Houston y tin un planta den construccion na Jacksonville. A cuminsa na mei 2021 y ta proyecta pa termina na 2022. Nos di partido Curpa ta keda mira e cos aki como dudoso. Ora un negocicion di un acuerdo ta bay scondi y cu yen di mentira y despues ta sali den publicidad ta dificil bo por kere cu e acuerdo cera ta na bienestar di nos pueblo di Aruba.
