Tur aña EPI ta organisa un informatie avond unda cu ta duna tur informacion di e opleidingnan cu ta parti den e cuater unidadnan y ta e oportunidad pa tur studiante cu ta aspira pa bin beroepsonderwijs pa bin haya informacion tocante e opleidingnan.
Segun director general, Ryan Maduro, pa e ultimo añanan e interes ta parti. Sector bouw, e interes a baha, pero pa e otro programa y unidadnan, ta sigui crece.
E vision di Colegio EPI, ta cu pa 2020 kier yega 3 mil studiante. Na e momentonan aki nan ta na 1900 y si bay den e rumbo cu ta bayendo, lo yega e 3 mil.
Pakico
EPI ta un di e miho, banda di HAVO y VWO, un di e miho educacionnan cu ta existi na Aruba, pasobra e ta prepara profesionalnan pa drenta den e mercado cu un conocimento hopi halto y capacita.
E ta un di e bon alternativanan di studia na Aruba. Una bes cu e studiante bay traha, ora e organisacion ora tume, tin cu djis polish e studiante y e ta forma parti di e organisacion. EPI ta forma lidernan di diferente industria pa futuro di Aruba.
Semper EPI ta habri pa mehoracion. Nan ta trahando hopi duro na cambia na e modelo di enseñansa pasobra e modelo cu ta trahando cune awor aki, ta existi pa mas of menos 10 aña. Na Hulanda ya tin avancenan cu a pasa y Aruba tin cu keep up cu esey. Pesey ta trahando hopi duro pa cambia e modelo di enseñansa, pasobra tin cu sirbi e necesidad di e studiante.
Ta hopi importante cu tin cu keda corda e necesidad di cada studiante, cual ta hopi diverso. Aki tambe mester keep up with the times, inclui tecnologia cual ta bira hopi importante den e sistema di educacion.
