Mientras cu botonan cu ilegal, arma y droga ta sigui drenta na Arashi y tambe via bocanan den Parke Arikok, e biaha aki na Boca Grandi tambe boto a drenta awe marduga. E ta e area pariba di KIA.
Nada di Kustwacht atrobe pa loke ta e boto cu a drenta. E boto probablemente a drenta cu ilegal, pero por garantiza cu el a bin cu droga. Hasta droga a keda atras riba beach. Un tas cu droga a ser haya.
Informacion aki nos tine confirma di Polis. Esnan cu ta Kite Surf cu a yega trempan na Boca Grandi a topa cu e tas. Nan a yama Polis mirando cu por a mira tambe diferente otro indicacion cu tabata tin basta movecion. E marcanan laga atras ta confirma tur cos. Polisnan di San Nicolas a yega na e sitio y topa cu e tas y esnan cu a bati alarma. Den dje a topa e pakinan cu droga cu a keda den e tas riba beach.
E boto mes logicamente a baha su hendenan ilegal y tambe e droga y djey riba un rust bay zuid bek sin cu Kustwacht a mira algo. No sa si nan tabata traha mes marduga. E tas cu droga a ser hiba warda di San Nicolas cu dos unidad di Polis. Eynan ta yama UGC cu ta e departamento encarga cu droga pa asina nan bin tuma e tas cu droga over. No ta conoci si mas droga a logra yega su destino apart di e tas cu droga cu a ser haya.
