Djabièrnè 19 di yüli 2019, alrededor di 12.19 or, e personal di Warda di Polis di Barber, a tene entrada hudisial na un kas na Kabaye. Esaki en konekshon ku violashon di e Lei di Opio i e Lei di Arma di Kandela.
Durante di e investigashon na e adrès en kestion, polis a haña i konfiská;
- Un arma di kandela kaliber 38;
- 448 mata di mariwana;
- 16 paki di mariwana. En konekshon ku esaki a detené un (1) hòmber sospechoso. Ta trata di:
- Ch.S.S., nase na Kòrsou di 40 aña di edat.
A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.
