Diasabra marduga alrededor di 3:10 am polis a presenta riba e caminda di Pos Abou p’un accidente. Aki ta caminda cu chauffeur di un auto marca Hyundai modelo Tucson a bruha entre “drive” y “reverse”. Claro, e bruhamento ta bin di origen di ta bou influencia di alcohol.
A haci un test di alcohol pa comproba esey tambe. E auto no por a move sin ayudo di un takelwagen. Mirando cu e chauffeur tabata bou influencia di alcohol, a detene y transport’e pa ward’i polis caminda lo present’e dilanti un subfiscal. Pa awo, e lo pasa e proximo oranan tras di tralie.
